Telefonla sifariş et!
(+99412) 493 17 04   (+99451) 312 24 40   Zəng sifariş etmək istəyirəm
Kitabları Bakıya, bölgələrə və xarici ölkələrə çadtırırıq!
20 AZN-dən çox alana çatdırılma pulsuzdur (Bakı daxilində)!
ru | en | az
Xoş gəlmişsiniz, qonaq!
Daxil ol   |   Qeydiyyat
Səbətim
Sizin səbət boşdur

Azərbaycan dilində kitablar / Bədii ədəbiyyat / Detektivlər. Trillerlər

Göstər
12

Grid  List 
İblisdən Betər
Altmış altı nömrəli doqquzmərtəbəli binanın altıncı blokunda yerləşən mənzillərdə bir-birinin ardınca qəribə hadisələr və cinayətlər baş verir. Hər şey birinci mərtəbədə baş verən dəhşətli yanğın ilə başlanır. Bunun ardınca baş verən cinayətlər öz sirri ilə sakinlərin canına qorxu salır. Bu binanın lənətləndiyini düşünən insanlar yavaş-yavaş binanı tərk etməyə başlayırlar. Çünki, əks halda növbəti qurbanın özləri olacaqlarından qorxurlar. Getməyə heç bir yeri olmayanların isə gecələr gözlərinə yuxu getmir. Onlar baş verən hadisələr aydınlığa çıxmayınca qorxu hissi ilə birlikdə burada yaşamağa məcbur idilər.
Bütün bu hadisələrin araşdırılması axtarış eksperti olmaq üçün can atan, keçmiş “kölgə” ləqəbli kəşfiyyatçı Barat Məmmədova tapşırılır. Bu, onun ilk işidir və əlindən gələni edir ki, özünü doğrulda bilsin. Görəsən, o, bu cinayət və hadisələrin əsl üzünü ortalığa çıxara biləcəkmi?
5,00 AZN
4,25 AZN
 
Başlanğıc
16,99 AZN
14,44 AZN
 
Nildə ölüm
5,99 AZN
5,09 AZN
 
Məhəbbətin gizli kodu
Detektiv romanlar müəllifi Elxan Elatlının "Məhəbbətin gizli kodu" romanında xəyanətlə üzləşmiş insanların acınacaqlı taleyindən bəhs olunur. Əsər detektiv janrda yazılsa da, burada bir çox zəngin və meşşan ailələlərdəki ənənəvi problemlərə də toxunulur.
Nüfuzlu bir alimin oğlu, mötəbər bir məmurun qardaşı olan gənc teleulduz sadə ailədən olan gənc qıza vurulur. Amma onların arasındakı yaş fərqi çox böyük olduğundan qıza elçi göndərməyə ürək eləmir. Əvəzində gənc sevgilisi ilə həmişə bir yerdə olsun deyə onun böyük bacısı ilə ailə qurur. Lakin böyük bacı da bu adama ərə getdiyinə peşman olur. Bir yaşlı körpəsi atasının güdazına gedir. Qadın bu faciənin şokundan ayılmamış daha dəhşətli bir zərbə alır - bir gün təsadüfən işdən evə tez gələndə doğma bacısını əri ilə yataqda tutur. Əri arvadından yaxa qurtarmağı qərara alır. Qadını öldürməkdə ona varlı bir qohumu kömək vəd edir...
Kitab geniş oxucu kütləsi üçün nəzərdə tutulub.
7,50 AZN
6,38 AZN
 
Dilənçi qadının sirri
Detektiv romanlar müəllifi Elxan Elatlının "Dilənçi qadının sirri" romanında hadisələr Bakıda cərəyan edir. Əsər detektiv janrda yazılsa da, burada həyatın çətinliklərinə, mürəkkəb ailə münasibətlərinə və digər problemlərə də toxunulur.
Arvadının xəyanəti ilə üzləşən biznesmen bu rüsvayçılığa dözə bilməyərək ailə-uşağını atıb Türkiyədən Azərbaycana köçür. Bakıda şirkət açıb biznes quran orta yaşlı iş adamı burada özündən 30 yaş cavan qadınla rastlaşır. Kasıb bir fəhlənin arvadı olan, lakin dəbdəbəli həyata can atan bu gözəl və gənc qadın ərinə elə onun dostu ilə xəyanət edəndən sonra boşanaraq özünə imkanlı məşuq tapsa da, türk iş adamının evlənmək təklifini sevinclə qarşılayır. Az sonra onların bir oğlu da olur. Uşaq 3 yaşına çatanda ailədə qəribə hadisələr baş verir. Əvvəlcə brilyantlar yoxa çıxır, sonra uşaq oğurlanır və ailədən pul tələb edilir. Biznesmen özəl detektivdən yardım istəməli olur...
Kitab geniş oxucu kütləsi üçün nəzərdə tutulub.
7,50 AZN
6,38 AZN
 
Cəhənnəmdən gələn səs
Detektiv romanlar müəllifi Elxan Elatlının "Cəhənnəmdən gələn səs" romanında XX əsrin ən dəhşətli vəhşiliyi olan Xocalı soyqırımından, erməni əsirliyindəki azərbaycanlıların qorxunc planlara alət edilməsindən və onların tükürpərdici aqibətindən bəhs olunur.
17 ildir erməni əsirliyində olan bir azərbaycanlı qadın təsadüfən əlinə keçən imkandan istifadə edərək Bakıdakı təsadüfi nömrələrin birinə zəng vurub Azərbaycanda təxribat və qətllərə hazırlaşan ermənilərin müdhiş planı haqda məlumat verir. Qadın özü kimi erməni əsirliyində olan Səid adlı oğlunun təlimatlandırılaraq Bakıya göndərildiyini deyib telefonu söndürür. Gecə yarısı evinə zəng gələn adam isə bu məlumatı Azərbaycanın xüsusi xidmət orqanlarına çatdırır. Azərbaycan kəşfiyyatçıları dərhal fəaliyyətə keçərək əməliyyat planı hazırlayırlar. "Leopard" ləqəbli Azərbaycan kəşfiyyatçısı Ermənistandan Bakıya zəng vuran qadını axtarmaq üçün düşmən ölkənin ərazisinə keçir...
Kitab geniş oxucu kütləsi üçün nəzərdə tutulub.
7,50 AZN
6,38 AZN
 
Yeni amazonlar klanı
Mobil rabitə şirkətinin rəhbəri, 200 milyon dollar sərvətə malik bu "telefon tanrısı"nın iki, ya da üç arvadı olub. Violetta isə varlı ər axtarışında olan ovçudur, amma bu dəfə onda heç nə alınmayacaq. Belələrinə indi "yeni amazonlar" deyirlər. Gənc qadınlardan ibarət bir dəstə yaranıb, onlar varlı kişiləri ovlamaqla məşğuldur. Amma Olqa ömründə imkan verməz ki, atası yüz milyonlarını təzə arvadının adına keçirsin. Deyəsən, Violetta da bundan duyuq düşüb..."
Detektiv əsərlər müəllifi Çingiz Abdullayevin "Yeni amazonlar klanı" adlı romanında hadisələr Rusiyanın paytaxtı Moskvadakı lüks villada cərəyan edir.
Köhnə Yeni ili qeyd etmək, eyni zamanda biznes sövdələşməsi aparmaq üçün elit bir kottec kirayələyərək ora toplaşan adamlar arasında daha kimlər yoxdur?! Rusiya Xarici İşlər Nazirliyinin idarə rəisi, "Rosvoorujeniye" dövlət şirkətinin ikinci şəxsi, xarici ölkə səfirlərindən biri, mobil rabitə və alüminim istehsalı şirkətlərinin zəngin rəhbərləri, şou-biznes ulduzları, gözəl qadınlar... Hər şey idealdır. Amma hələ heç ziyafət başlamamış malikanədə müəmmalı və dəhşətli hadisə baş verir - milyonçu biznesmenlərdən biri onun üçün ayrılmış otaqda qətlə yetirilir. İşə Daxili İşlər Nazirliyinin rəhbərliyi qarışır, amma müstəntiqlər heç bir ipucu tapa bilmir. Nazir müavini məşhur xəfiyyə Dronqoya müraciət etməli olur. Kriminalist-ekspert əvvəlcə villaya baş çəkir, hamını dindirir. O, əmindir ki, qatil mərhumun ən yaxın adamıdır...
Kitab geniş oxucu kütləsi üçün nəzərdə tutulub.


7,50 AZN
6,38 AZN
 
Qurbanlıq sindromu
"...Ufada Tatyana Kasimovanın cəsədi tapılıb. Məktəbin yanında xaraba bina var, cinayətkar öz qurbanını aldadaraq ora aparıb. Həmin bina mərhumun işdən evə qayıtdığı yolun üstündədir. Qatilin Ufaya başqa şəhərdən gəldiyi və Kasimovaya vağzaldan zəng etdiyi müəyyən olunub. Cəsəd hadisədən bir müddət keçəndən sonra tapılıb deyə izlərin çoxu itib. Lakin dəsti-xəttin oxşarlığı Ufa və Çelyabinskdə törədilmiş cinayətlərin eyniyyət təşkil etdiyini göstərir. Hər iki hadisə zamanı qatil hansısa yolla öz qurbanını müvəqqəti olaraq huşsuz vəziyyətə sala və zorlaya bilib. Ola bilər ki, buna hipnozun köməyi ilə nail olub, yaxud da hansısa dərmandan istifadə edib. Qurbanların qanında heç bir yad maddə aşkar olunmayıb..."
Detektiv əsərlər müəllifi Çingiz Abdullayevin "Qurbanlıq sindromu" adlı romanı hüquq-mühafizə orqanları əməkdaşlarının yuxusunu ərşə çəkmiş seriya qatilin axtarışlarından bəhs edir.
Polis, xüsusi xidmət orqanları, kriminalist-ekspertlər Rusiyanı sarsıtmış seksual manyakın axtarışına cəlb olunub. Onu nəinki tapmaq, hətta izinə düşmək isə heç cür mümkün olmur. Çünki çox ağıllı və hiyləgərdir, iz buraxmır, özünü çox sakit və təmkinli aparır, kiminsə ondan şühbələnməsinə əsas vermir. Buna görə də ayrı-ayrı şəhərlərə rahatlıqla baş çəkərək eyni üsulla dalbadal qətllər törədir. Hətta artıq axtarıldığını bilə-bilə də soyuqqanlılıqla zorlayıb öldürməkdə davam edir. Qatil əsasən gənc və gözəl qadınları "ovlayır", bir şərtlə ki, onlar həm də savadlı, ziyalı olmalıdır, cəmiyyətdə normal mövqe sahibi olmalıdır. Onu elə bu zəifliyi də ələ verir...
Kitab geniş oxucu kütləsi üçün nəzərdə tutulub.


7,50 AZN
6,38 AZN
 
Vyana gecəsinin sirri
Detektiv əsərlər müəllifi Çingiz Abdullayevin "Vyana gecəsinin sirri" adlı romanında hadisələr Avstriya paytaxtındakı dəbdəbəli "Marriott" hotelində baş verir.
Yeni ili qarşılamaq üçün bura gələn bir qrup adam hotelin restoranında məşhur xəfiyyə Dronqonun ailəsi ilə təsadüfən masa qonşusu olur. Kriminalist-ekspert onların rus, alman və ingilis dillərindəki söhbətini istəmədən eşidir. Bir neçə saatdan sonra isə həmin masadakı adamlardan biri - zəngin biznesmen restoranın tualetində ölü tapılır. Peşə marağı Dronqoya güc gəlir. O, ailəvi istirahətini yarımçıq qoyub qatilin axtarışına çıxır. Dəqiq bilir ki, qatil elə həmin masada oturanlardan biridir...
"Qatil birinci mərtəbədəki bu əldən-ayaqdan uzaq tualetdə Qalimovu pusan kənar birisi ola bilməzdi. Kənar birisi onun həmin tualetdə ikinci dəfə peyda olacağını təxmin edə bilməzdi. Axı şirkət prezidenti burada birinci dəfə Veronika ilə olmuşdu. Sonra nədənsə ora yenidən düşmüşdü. Əgər tualetdə Qalimovu yenə qadın gözləyirdisə, bu adam, sadəcə, seksual manyakdır. Bəlkə, Qalimovun məhz ora gedəcəyini əvvəlcədən bilən kişi? Veronikanın yardım vəd etdiyi Farkaş? Qadın onu ora göndərə bilərdi. Ya da bir başqası... Yoxsa Farkaşa özünü tapança ilə vurmağı məsləhət görən David? Bəlkə, hansısa sirri açıqlayacağını söyləyən Ruslan? Ya da qadınlar?"
7,50 AZN
6,38 AZN
 
Vicdanın adaptasiyası
"İstəyirdim ki, onlar ölməmişdən əvvəl əzab çəksinlər. Hər şeyi bilsinlər və hiss etsinlər. Bilirəm ki, indi səsimi yazırlar, sonra hamısından mənə qarşı istifadə edəcəklər, amma cəhənnəm olsun, qoy yazsınlar... Onların bağ evinə girdim, ikisinin də əl-qolunu bağladım və qonşumun arvadına hər şeyi olduğu kimi danışdım. Dedim ki, əri mənim Katyamla ona xəyanət edib. Onun bundan xəbəri yox idi. Sonra mənim həyatımı məhv edən o alçağın gözünün qarşısında arvadını zorladım və öldürdüm. Qonşum ağlayaraq yalvarırdı ki, onun özünü də öldürüm. Mən də bunu məmnuniyyətlə etdim. Dolabda onların pulu var idi, ancaq ona toxunmadım - belə şeylər mənlik deyil. Qadının cəsədini isə maşında aparıb basdırmışam..."
Detektiv əsərlər müəllifi Çingiz Abdullayevin "Vicdanın adaptasiyası" adlı romanında bütün Rusiyanı ayağa qaldırmış seriya qatilin axtarışlarından, onun həbsindən, məhbəsdən qaçışından və intiharından bəhs edilir.
Əsasən gənc və sarışın qadınları hədəf seçərək Rusiyanın bir neçə şəhərində dəhşətli qətllər törədən və heç bir iz buraxmayan seksual manyakın axtarılmasına məşhur xəfiyyə və psixoanaliz üzrə professor da cəlb olunur. Səbəb aydındır: qatil çox ustalıqla hərəkət edir, ehtiyatlı davranır, getdiyi şəhərlərdə diqqət çəkməməyə çalışır. Öz doğma şəhərində isə ondan nəinki şübhələnməzlər, hətta bu fikrə düşənlərin özlərini daşqalaq edərlər. Axı Veniamin Borisoviç Baratov adi adam deyil, böyük bir institutun direktorudur, görkəmli alimdir, hörmətli şəxsdir; hamı onu mədəni, ziyalı, nəcib bir adam kimi tanıyır. Buna baxmayaraq, o zorlayır, öldürür və gizlənir...
Kitab geniş oxucu kütləsi üçün nəzərdə tutulub.
7,50 AZN
6,38 AZN
 
Bumeranq zərbəsi
"O, öz qurbanlarını təcavüz vaxtı boğur, belə ağlasığmaz üsulla həzz alırdı. O, qadınları əvvəlcə hansı yollasa neytrallaşdırır, hipnozdan, yaxud tibb elmi ilə tanışlığı varsa, tez həll olan zəhərdən istifadə edirdi...
...Qadının əynindəki göy don Veniaminə öküzü qızışdıran qırmızı parça kimi təsir göstərirdi. O, Katyanı vurdu. Zərbə o qədər güclü idi ki, qadının partlamış dodağından qan gəldi. Qan onu lap coşdurdu. Veniaminin içində çoxdan mürgüləməkdə olan yırtıcı heyvan oyandı. Qadının donunu cıranda onu həm də bərk-bərk qucaqlayırdı. Katya birdən anladı ki, Veniamin onu zorlamaq istəyir..."
Detektiv əsərlər müəllifi Çingiz Abdullayevin "Bumeranq zərbəsi" adlı romanında seriya qatilin axtarışlarına cəlb edilmiş hüquq-mühafizə orqanlarının üzləşdiyi çətinliklər təsvir olunur.
Hadisələr Rusiyanın bir neçə şəhərində cərəyan edir, daha doğrusu, seksual manyak olan qatil ayrı-ayrı şəhərlərdə eyni üsulla dalbadal qətllər törədir. Tədbirlilikdə və amansızlıqda Çikatilo ilə müqayisə olunan qatilin qurbanları əsasən gənc və gözəl qadınlardır. O, qurbanlarını səbirlə izləyir, yaxalayır və zorlayıb öldürür, amma heç bir iz qoymur. Onu görən də yoxdur. Ufada qətl törədib Çelyabinskə gedir, oradan başqa şəhərə keçir. Moskvadakı yüksək rütbəli milis məmurları başını itirib. İşə məşhur xəfiyyə və psixoanaliz üzrə professor da cəlb olunur. Bu iki ekspert qatilin psixoloji portretini yaradır, onun intellektual, yaraşıqlı, ünsiyyətcil və gənc bir adam olduğunu deyirlər. Yüksək rütbəli milis zabitləri bundan narazı qalır...
Kitab geniş oxucu kütləsi üçün nəzərdə tutulub.
7,50 AZN
6,38 AZN
 
Böyük oyun
"...Qafarov da, Tərcümanyan yaxşı bilirdilər ki, Çebotar ikincini, yəni vaxtilə Baden-Baden kazinolarında Arman Rolan adı ilə qumar oynayan Tərcümanyanı tanıya bilər. Nə qədər gülməli də olsa, onun pələ bığları Çebotarın yadında qala bilərdi. Ona görə də hər iki oyunçu Çebotarı aradan götürməyə qərar verir. Onlar əvvəllər Xarici Legionda xidmət etmiş peşəkar bir qatil tutublar. Çebotar qaldığı hotelin dəhlizində Jordan adlı pələbığ bir adama rast gələndə Tərcümanyan-Rolanın bığlarını xatırlayıb. O bu haqda məlumat verməyə cəhd edib, ancaq elə həmin andaca iki güllə ilə qətlə yetirilib..."
Detektiv əsərlər müəllifi Çingiz Abdullayevin "Böyük oyun" adlı romanında dünyanın məşhur qumarbazlarının toplaşdığı həlledici oyun ətrafında baş verənlər təsvir olunur.
Hadisələr Monte-Karlo kazinosunda cərəyan edir. Monako knyazlığına qumar oynamağa gedənlərin çoxu keçmiş sovet respublikalarından olan iş adamları və məmurlardır. Qumar masası arxasında Bakıdan da bir zəngin adam var. Bir ərəb milyarderi və kanadalı maqnat da bu dəstəyə qoşulub. Bu qumarbazların hamısı özünü yüksək təbəqədən hesab edir, alicənab, kübar, mədəni adamlara məxsus ədalarla, nəzakətli davranırlar. Amma bütün bunlar Fransanın qumar paytaxtında baş verənlərin yalnız zahiri tərəfidir. Əslində isə hərəsinin öz gizli köməkçiləri, kartbasan və "sayıcı"ları olan bu adamlar bir-birini var-yoxdan çıxarıb müflis etmək üçün hər şeyə hazırdırlar. Hətta rəqiblərinin qətlinə də... Qətl isə baş verir. Özü də üç nəfərin qətli. Öldürülənlərin biri də qumar masası arxasında oturan milyonçunun muzdla tutduğu killerin özü olur...
Kitab geniş oxucu kütləsi üçün nəzərdə tutulub.
7,50 AZN
6,38 AZN
 

Göstər:
12